| � |
ميكده دره سي
اجتماعي ادبي
شنبه 17 فروردین 1392 :: نويسنده : جابرلطفي���
گورشاد دوشوب باهار فصلي پارچا لانيب آذر نسلي ياساق دوشوب كرم اصلي(1) قان آغلارام هاراي ائللر ---------------- قارقا گزير غاز ساياغي سئرچه اوچور باز ساياغي عاغلا سيغماز هئچ ساياغي قان آغلارام هاراي ائللر ----------------- كدر قالخيب بير داغ اؤلوب ياشيل الوان چيچك سؤلوب آغلار گؤزوم يئنه دولوب قان آغلارام هاراي ائللر ------------- ايشيم دوشوب روس الينه دوز سؤز گلمز هئچ ديلينه رحم ايله مز قيز گلينه قان آغلارام هاراي ائللر ---------------- دؤن دييشيك دوشوب اينان هئچ بيلميرم دوستدي دوشمان كؤنلوميده آلدي دومان قان آغلارام هاراي ائللر ------------------ هاراي ائليم هاردا باتدون قاش قارالدي هارا چاتدون گون باتمادان نئجه ياتدون قان آغلارام هاراي ائللر ---------------- زنگين آديم يالان اؤلدي آغ گونلريم دومان اؤلدي حاممي باخيب حيران اؤلدي قان آغلارام هاراي ائللر ---------------- آباد ائليم ويران اؤلدي ياغ بلله ميز ياوان اؤلدي باهار واخدي طوفان اؤلدي قان آغلارام هاراي ائللر ---------------- آرزولاريم ديلده قالدي فلك بيزي آيري سالدي الله الله بو نه حالدي قان آغلارام هاراي ائللر --------------- سو- داي جؤشمور بولاغلاردان ياز كؤچوبدي بو داغلاردان توسدي قالخمور اؤجاغلاردان قان آغلارام هاراي ائللر ----------------- چاقال دوتوب آسلان يئرين بير قويويا دوشدوم درين ايستي آشيم اؤلدي سرين قان آغلارام هاراي ائللر ------------------ شن ماهنيلا اؤلدي حزين اؤغرو اؤلوب خلقه امين خؤرافاتلا قاريشيب دين قان آغلارام هاراي ائللر ---------------------- زاي اؤلوبدي امه كلريم ديلده قالدي ديلهكلريم كوته گئتدي چؤره كلريم قان آغلارام هاراي ائللر -------------------- آدين معصوم قويوب قلم خالقين گوزين اؤيوب قلم ائل دريسين سويوب قلم قان آغلارام هاراي ائللر ------------------- شاه مار ايلان اؤلوب قلم خالقي گيرو قويوب قلم ائلدن چوخدان دويوب قلم قان آغلارام هاراي ائللر ----------------- ياساق قاليب ديليم منيم تالان اؤلوب ائليم منيم سينديريبلار بئليم منيم قان آغلارام هاراي ائللر ------------------ گاه شاه عصيان ائديب بيزه گاه دوست حيله گليب بيزه گاه روس قوشون چكيب بيزه قان آغلارام هاراي داغلار ---------------------- آنا ياتيب اؤو ساحيلده بالا قاليب بو ساحيلده اغيار آليب دو ساحيلده قان آغلارام هاراي داغلار ------------ (1)منظور=كرمه ياساقدير اصلي=8 اولور-ياساق دوشوب كرم اصلي4+4 آرديني اوخو بؤلوم : داغ سه شنبه 28 آذر 1391 :: نويسنده : جابرلطفي���
آليبدي كونلومي الدن دومانلي داغلار ائليداراغلاييب تئلين هورم صفالي شانلي ديليچوركلي سفرالارين هر دوزين داديب گزيرمداغين داشين دره سين هر گولين سئويب سئويرمبولاغ باشيندا صونا تلليلر صفا سينه باخهوروكلرين ساينا يوزده خال نيشانينه باخيوووب سريبدي گوزل يايليغين چيمنده صونامدريب بنوشه بولاغدان سريب گونيده صونامكونول جوشور وطن اوغروندا ديلده نغمه دييرساغين سولين گودير هردم چيمنده رقصه گليرچيچك ساچيب ساچينا گوزه ليير نشاني سينيبولاغ باشيندا گودور خان چوبان آداغليسينيشرفلي تاريخه ماليكدي اولكه مين قيزيديوئريبدي بابكه تعليم ائلين دادي دوزيديآرديني اوخو بؤلوم : داغ شنبه 20 آبان 1391 :: نويسنده : جابرلطفي���
ميل شيكار ايله ميشم قارا باغين يايلاغيندا قوپوزو ساز ايله ميشم قارا داغين قوجاغيندا هر سوسني خوشلاميرام دوغما گولوم خوشدو منه باده نياز ايله ميشم جيرانلارين چايلاغيندا علم و صنعت ياتاغيدي آنا وطن توپراغيدي عشقه سجود ايله ميشم طبيعتين اوجاغيندا سرو و سنوبر نه دي كي لاله و سنبول نه دي كي جنتي حيران ائتميشم گوزللرين چارداغيندا گوزللرين عطرين آليب طالب معراج اولموشام آنجاق ائنيب ياناجاغام ساوالانين چيراغيندا هر شربتي خوشدو منه زهر اولسا نوشدو منه عاشق جنون بئجرتميشم زيروه لرين قايناغيندا ايگيتلرين ياتاغيدي آتام بابك ساراييدي مينلرجه قوربان وئرميشم چايلاقلارين ياتاغيندا امك ايتيب نفرت وارسا ديليم باغلي ائولوم وارسا آتام بابك قاني جوشسا پرچم وورام بيداغيندا آرديني اوخو بؤلوم : چهارشنبه 15 شهریور 1391 :: نويسنده : جابرلطفي���
بو شعيري منيم سئويملي دوستيم واوستاديم(عظيم غلامعلي پور) (سحر) جنابلاري. 1387 اينجي ايلده منيم اوغلوم(مهران) تويوندا دئييب و بو گون 1392 اينجي ايلده منه بايرامليق وئريب، منيم اوچون گوزل بايرامليق اولوب اولسون كي ايستكلي گنج(آيدين)بالاميزين تويوندا عوضين چيخاق...! دئمه ليم كي شعيرده دئييلن.!(ساوالانا)قارشي(سهند)داغيدير.! بيتي منظور اوغلان ساوالان اؤلكه سيندن و قيز سهند اؤلكه سيندندي --------------------------- نه گوزل دونيادا ياشاييرام من قارشيمدا جوجه رير،شنليك بوگون وصالا چاتماقا، قارداش بالاسي اولدوزلار،بير بيره، ويريلسين دوگون ----------------------------- يوولسون چيركين ليك،باهار چاغيدير تبريز، آذربايجان، ويصال باغيدير داغلارين قارشيندا، ويقارلا دوران ساوالانالا قارشي ، سهند داغيدير ----------------------------- يؤخ اوره گيميزدن سيلين مه مه لي بو شنليك،بو سئوينج ، بوهاي،بوهاراي آرپا چاييندادير ، عشقين نغمه سي خان چوبان سه سينه،سس وئرسه سارايي ------------------------------- تبريك ائديرم ، سئويملي قارداشي بوتوي بو شنليگيز،موبارك اولسون دؤلدور پيالاني ، فخرايله دولان قوي بوتون كؤنوللر،چيچكله دولسون --------------------------- سنده ن ساغليق آلاق، شادليق ياراداق محبت باغروندا ، قالانيب چين چين يول وئر ايچمك، ايچون، بو جاوانلارا اوجالسين گؤيلردن،باج آلسين لاچين ------------------------------ سحرين باغريندا ،نغمه تونقالي قالانيب اؤخويان ، چالانا مننت محبت ساتيرام،اوجوزدان اوجوز بو توي آخشاميندا ، آلانا مننت ----------------------------------- 20/1/1387 عظيم غلامعلي پور (سحر) بؤلوم : داغ دوشنبه 6 شهریور 1391 :: نويسنده : جابرلطفي���
يئنه يار آختاريرام شهريده خممار آراسيندا تاپماديم صاديق اولان دهريده هوشيار آراسيندا ايستهديم نظمه چكم سوزلريمي خاطيره قالسين قافيه آختاريرام سوزلريمه (آر) آراسيندا زهنيم آز چوخ دولانير ساغ سولي شوخ منظره تاپسين قاييدير ال قول اوزون اوز ائويمه ( تار) آراسيندا ياديما دوشدي صاباح چكلريمين واخدي گليبدي بهره لي پول گزيرم اولسا ربا خوار آراسيندا نئچه دفعه قاييديب چك منه حاكيم بويوروبدي آسارام من سني گورسم يئنه بازار آراسيندا يئتيمه آغلاماغ اورگتمه سن اي قولاري گوجلي تانري اورگتدي منه آغلاماقي نار آراسيندا آند وئرديم حاجيني ظلم ايلمه حقي دانيش سن حاجي تحريم ايليبدي مني همكار آراسيندا نئچه آرشين آلا بئزدي سارييب باشينا واعظ صوفي پنهان ائليب نيتي دستار آراسيندا ديل دوداق باغلي قاليب رحم ايله الله هلليك سن نئجه باش ساخليا مظلوم بيله گفتار آراسيندا شام بازاريدي هر فيتنه ساتيللار آلان اولسون بيري سازين بيري آدين ديني مكار آراسيندا نئچه واعظ گوريرم الده حسين پرچمي واردير ساتير آلسون حسيني مكريله ديندار آراسيندا ايسته ديم اشكيمي پنهان ايليم سئوگي باغيندا آه چكيب يانديم آليشديم دل و دلدار آراسيندا آرديني اوخو بؤلوم : داغ |
بلاقا گؤره بؤلوم لر یولداش لار باغلانتی لار یارپاق لار سورغو سایغاج ایندی بلاق دا :
بوتون گؤروش لر :
بو گونون گؤروشو :
دونه نین گؤروشو :
بو آیین گؤروشو :
باخیش لار :
یازی لار :
یئنیله مه چاغی :
|
| � |
 |
� |